കോളി യടുക്കം ഗവ യു പി സ്കൂളിൽ ഇക്കുറി റിക്കാർഡ്അഡ്മിഷനാണ് ഉണ്ടായിട്ടുള്ളത്. ഒന്നാം ക്ലാസ്സിലേക്കുള്ള 75 കുട്ടികൾ ഉൾപ്പെടെ 110 പേരാണ് പ്രവേശനം നേടിയത്. ഇംഗ്ലീഷ് മീഡിയം സ്കൂളുകളിൽ നിന്നും നിരവധി കുട്ടികൾ പ്രവേശനം നേടിയിട്ടുണ്ട്. വർണ്ണ ബലൂണുകളും തൊപ്പിയും പായസവുമായി നവാഗതരെ മറ്റു കുട്ടികൾ വരവേറ്റു. ചെണ്ടമേളത്തോടെ ഘോഷയാത്രയായാണ് നാട്ടുകാർ പുതിയ കുട്ടികളെയും രക്ഷിതാക്കളെയും സ്കൂളിലേക്ക് ആനയിച്ചത്.സ്കൂൾ പ്രവേശനോത്സവം വാർഡ്‌ മെമ്പർ വി ഗീത ഉത്ഘാടനം ചെയ്തു. വിവിധ ക്ലബ്ബുകളും സ്ഥാപനങ്ങളും സ്പോൺസർ ചെയ്ത പഠനോപകരണങ്ങൾ വാർഡ്‌ മെമ്പർ എൻ വി ബാലൻ വിതരണം ചെയ്തു. പി ടി എ വൈസ് പ്രസിഡന്റ്‌ പി.വിജയൻ അധ്യക്ഷത വഹിച്ചു. എം ചന്ദ്രൻ നായർ , കെ. വനജകുമാരി. പുഷ്പലത എന്നിവർ പ്രസംഗിച്ചു. ഹെഡ്മാസ്ടെർ എ.പവിത്രൻ സ്വാഗതവും പി മധു നന്ദിയും പറഞ്ഞു.
No comments:
Post a Comment