സ്‌കൂൾ വികസന നിധിയിലേക്ക് സ്വർണ്ണാഭരണ സംഭാവനകൾ തുടരുന്നു.

കോളിയടുക്കംഗവ യുപി സ്‌കൂൾ വികസന നിധിയിലേക്ക്പൂർവ്വ വിദ്യാർത്ഥികളുടെ വിവാഹമണ്ഡപത്തിൽ നിന്നുള്ള സ്വർണ്ണാഭരണ സംഭാവനകൾ തുടരുന്നു. സ്‌കൂളിലെ പൂർവ്വ വിദ്യാർത്ഥി പെരുമ്പള വിഷണുപ്പാറയിലെ മണികണ്ഠനും ചേതനയുമാണ് സ്‌കൂൾ വികസന നിധിയിലേക്കുള്ള മോതിരം ഹെഡ്മാസ്റ്റർ എ പവിത്രനെ ഏൽപിച്ചത്.
നേരത്തെ പൂർവ്വ വിദ്യാർത്ഥികളിൽ നിന്നും മറ്റ് അഭ്യുദയ കാംക്ഷികളിൽ നിന്നും സ്വർണവളയും മോതിര സ്കൂൾ വികസനനിധി യിലേക്ക് ലഭിച്ചിരുന്നു. ചടങ്ങിൽ പിടിഎ പ്രസിണ്ട് പി.വിജയൻ, ഇ മനോജ്‌കുമാർ, സുനിൽകുമാർ അധ്യാപകരായ വിനോദ്‌കുമാർ പെരുമ്പള, കെ വനജകുമാരി, പി മധു, കരുണാകരൻ കാനാവീട്ടിൽ, പ്രമോദ് എം വി, എ വിദ്യ, വിജിമോൻ ജി വി എന്നിവർ പങ്കെടുത്തു.