വായനാദിനം

"അക്ഷരം" വിദ്യാരംഗം കലാ സാഹിത്യ വേദിയുടെ ഉത്‌ഘാടനം സാഹിത്യകാരൻ സുറാബ് നിർവഹിച്ചു.  
കോളിയടുക്കം ഗവ യു പി സ്‌കൂളിൽ വായനാദിനവുമായി ബന്ധപ്പെട്ട് "അക്ഷരം" വിദ്യാരംഗം കലാ സാഹിത്യ വേദിയുടെ ഉദ്ഘാടനം സ്‌കൂൾഹെഡ്മാസ്റ്റർ എ പവിത്രൻ മാസ്റ്ററുടെ അധ്യക്ഷതയിൽ പ്രശസ്ത കവിയും സാഹിത്യകാരനുമായ സുറാബ് നിർവഹിച്ചു.

ഇതിന്റെ ഭാഗമായുള്ള മാതൃവായനാ പദ്ധതി വാർഡ് മെമ്പർ വി. ഗീത സ്‌കൂൾ എം പി ടി എ പ്രസിഡന്റ് ഉഷാ രവീന്ദ്രന് പുസ്തകം നൽകി ഉദ്ഘാടനം നിർവഹിച്ചു. ക്ലാസ്സ് ലൈബ്രറിയുടെ ഉദ്ഘാടനം പി ടി എ പ്രസിഡണ്ട് പി വിജയൻ സ്‌കൂൾ ലീഡർ കുമാരി മന്യക്ക് പുസ്തകം കൈമാറി ഉദ്ഘാടനം നിർവഹിച്ചു. ചടങ്ങിൽ വിദ്യാരംഗം ചുമതല അധ്യാപിക കെ. രാധക്കുട്ടി സ്വാഗതവും വിദ്യാരംഗം കൺവീനർ മാസ്റ്റർ അഭയ് പി നന്ദിയും പറഞ്ഞു.